Tələbə hərakatı zamanı və sonralar da siyasi baxışlarına görə İran rejimi tərəfindən tutulanlar neçə vaxtdır Təbriz təcridxanalarında saxlanılırlar. Bu müddət ərzində «tezliklə dustaqlar azad olacaq» -deyə dövlət məmurları tutulanların qohum-əqrabası ilə görüşməsinə əngəllər törədirdilər. Nəhayət sentyabrın 10-da səbirləri tükənən siyasi dustaqların valideynləri ilə polislər arasında toqquşma baş verib. Təcridxananın mühafizə qüvvələri dustaqların valideynlərinə zor tətbiq edərək dəyənəkdən belə istifadə etməkdən çəkinməyiblər.