يئنه دربنده گئدَک (سفرده کی دوستوما) ائل اوغلو يئنه دربنده گئدَک، پاييز آخشاميندا بيز. نئيله سين يازيق اوره ک؟ خاطيره، قانلی مهميز... ياتير قلبيمده سنسيز. دايانيب سؤيکنديييم - بو چينار، او چيناردی... چينار نه بختيياردی! قوی دوروب ائنيب گئديم... بو دربند درين دره، دربندين هر جيغيری، سنلی منه خاطيره، سنسيز يئنه خاطيره. سنی هاردا تاپيم من؟ سؤيله قوشقارداسان می؟ من پاييز آهنگی يم! يوخسا باهارداسانمی؟ دورنا، قاطارداسانمی؟